Tədqiqat işində Lactuca saligna L. (Şoran südləməsi) növünün müxtəlif ekstraktlarının antimikrob təsiri analiz edilmişdir. Bitkinin yarpaq və kökləri Azərbaycanın Saatlı rayonundan toplanmış, onların həm sulu, həm də etanollu ekstraktları hazırlanmışdır. Antimikrob təsirlər, Staphylococcus aureus, Escherichia coli, Klebsiella pneumoniae, Pseudomonas aeruginosa, Bacillus anthracoides və Candida albicans növünün də daxil olduğu müəyyən bakterial və göbələk ştammlarına qarşı disk-diffuziya üsulu ilə qiymətləndirilmişdir. Nəticələrə əsasən, kökün su ilə alınmış ekstraktı, xüsusilə E. coli və K. pneumoniae ştammına qarşı ən güclü antibacterial təsir göstərmiş, kök və yarpaqlardan etanolla alınmış ekstraktlar isə B. antracoides və C. albicans ştammlarına qarşı orta dərəcədə aktivlik nümayiş etdirmişdir. Tədqiqat müxtəlif infeksiyaların müalicəsi məqsədilə L. saligna növünün ənənəvi təbabətdə istifadəsini dəstəkləyici mahiyyətə malikdir. Bundan əlavə, alınan nəticələrə əsasən L. saligna təbii antimicrobial vasitələrin perspektivliyi baxımından əhəmiyyətlidir və bu səbəbdən onun qeyd edilən xassələrinə cavabdeh olan təsiredici birləşmələri ayırmaq və identifikasiya etmək məqsədilə silsilə tədqiqatlar aparılmalıdır. Mövcud tədqiqat yeni antimikrob birləşmələrin axtarışında, xüsusən də dərman vasitələrinə davamlı patogenlərə qarşı bitki əsaslı alternativlərin araşdırılmasına töhfə verir