Ətraf mühitin streslərinə qarşı relikt bitki növlərinin antioksidant birləşmələrin akkumulyasiyası daxil olmaqla biokimyəvi strategiyaları işlənib hazırlanmışdır. Bu tədqiqatlarda Buxus sempervirens, Ruscus hyrcanus və Parrotia persica ekstraktlarının antioksidant və antiviral xüsusiyyətləri qiymətləndirilib. Antioksidant aktivlik DPPH radikal təmizləmə metodu ilə qiymətləndirilib, bu zaman B. sempervirens 0.04 µg/ml miqdarında ən güclü təsir nümayiş etdirmişdir. Fotosintetik piqmentlərin (Xl a və b) yüksək intensivli işıq təsiri altında fotosolmaya qarşı müqaviməti də təhlil edilib və digər növlərlə müqayisədə B. sempervirens növündə daha yüksək piqment sabitliyi aşkar edilib. Antiviral fəaliyyəti qiymətləndirmək üçün PNRSV virusu ilə yoluxmuş albalı calaqaltıları (Gizella 6) ekstraktlarla işlənilmişdir. B. sempervirens və R. hyrcanus ekstraktlar ilə işlənilmiş bitkilərdə 6-cı həftədə simptomların şiddəti azalır və sağlam yarpaqların sayı artır. Əldə edilən məlumatlar göstərir ki, bəzi relikt növlər fotosintetik funksiyanı və membran bütövlüyünü qorumaqla stress müqavimətinin artmasına kömək edə bilən antioksidan və antiviral xüsusiyyətlərə malikdir.